A PADRE PARADISO

 

Che bello! Cinquant’anne ‘e sacerdozio

pe’ ‘stu simpaticone ‘e missionario:

padre Michele Paradiso nuosto,

c’ha miso sempe Dio o’ primmo posto

e ‘ncopp’’a scìa d’’o Santo Fondatore

altamente ha onorato ‘e “Sacri Cuori”.

E’ tesoro ‘e disponibilità,

nu sciore amabilissimo ‘e bontà.

E’ luce dint’’a chistu munno ‘e ‘mbruoglie

pe’ farce scopri’ ‘e vvere meraviglie

d’’a vita e farcela tesaurizza’,

scetànnece ‘ncore ‘o gusto ‘e campa’.

Nu miracolo ‘e spiritualità

pe’ purta’ pace addò ‘a discordia sta.

Se presenta comme nu santariello

umile e mite, fatto a ccumpagniello.

Cu’ tutt’o core mo l’avimma di’:

viàto a tte d’essere comme si’

e grazie a Dio ca te vo’ accussì.

 

Afragola 04.11.2011             Gennaro Piccirillo